The news is by your side.

Advertisement

نوکری کے آخری دن کو یادگار بنانے کے لیے نوجوان کا انوکھا انداز

ملازمت کے آخری دن کو یادگار بنانے کے لیے ہر شخص کو ئی نہ کوئی طریقہ اپناتا ہے اسی طرح برازیل کے شہری نے انوکھا انداز اپنا کر ساتھیوں کو حیران کردیا۔

برازیل کے دارالحکومت برازیلیا کے نجی بینک میں ملازمت کرنے والے نوجوان نے اپنے الوداعی دن کو یادگار بنانے کے لیے اپنے پسندیدہ کارٹون کریکٹر کا لباس زیب تن کیا اور دفتر پہنچ گیا۔

اسپائیڈر مین جب دفتر پہنچا تو اُسے سیکیورٹی گارڈ نے دفتر میں جانے سے منع کیا جس کے بعد اُس نے اپنے چہرے سے ماسک ہٹایا اور اپنا تعارف کراویا۔

مزید پڑھیں: ریٹائرمنٹ کے دن چینی شخص نے 20 لاکھ ڈالر کی لاٹری جیت لی

نوجوان دیگر ملازمین سے پہلے دفتر پہنچا اور اُس نے اپنی جگہ پر بیٹھ کر معمول کے مطابق کام شروع کردیا، اب جب ساتھیوں کے آنے کا وقت ہوا تو وہ دیکھ کر ششدر رہ گئے اور پھر ہمت کر کے اسپائیڈر مین کے قریب گئے۔

تمام ملازمین کے آنے کے بعد ملازم اپنی نشست سے کھڑا ہوا اور پھر سب سے ہاتھ ملا کر اپنا تعارف کرایا۔ اسپائیڈر مین اپنے افسر کے کمرے میں گیا اور انہیں بھی سرپرائز دیا۔

نوجوان کی ویڈیوز اور تصاویر سوشل میڈیا پر وائرل ہوئیں اور صارفین نے اُس کے انداز کو بہت زیادہ سراہا۔

Comments

comments

یہ بھی پڑھیں