ماہ رمضان میں ہر خاتون خانہ کی کوشش ہوتی ہے کہ وہ اپنے اہل خانہ کیلئے سحر اور افطار میں اچھے اور ذائقے دار پکوان بنا کر دسترخوان پر رکھے۔
اے آر وائی ڈیجیٹل کے پروگرام گڈ مارننگ پاکستان میں خاتون شیف صبا نے ناظرین کو مزیدار ’’بریڈ اسٹفنگ‘‘ بنانے کی ترکیب بتائی جو بنانے میں بھی نہایت آسان ہے۔
انہوں نے بتایا کہ بازار سے رول پٹیاں (پانڈا پٹی) تو مل جاتی ہیں اگر نہ مل سکیں تو ڈبل روٹی (بریڈ) اس کا بہترین متبادل ہے۔
صبا نے کہا کہ بریڈ اسٹفنگ تین فلنگ کے طریقوں سے بنائی جاتی ہے جس میں پہلے آلو اور پھر سبزیاں اور تیسری چیز چکن بھر کر بنایا جاتا ہے۔
اس کیلیے آلو کا بھرتا بنا کر اس میں پیاز پسی ہوئی کالی مرچ اور دیگر مسالے جو بھرتے میں استعمال کیے جاتے ہیں انہیں بریڈ میں بھر کر بنا سکتے ہیں اگر چکن پاؤڈر شامل کرنا چاہیں تو کرسکتے ہیں۔
انہوں نے بتایا کہ اس کے علاوہ میں نے دوسری فلنگ میں چکن کے ساتھ چیز اور تکہ مسالہ شامل کیا ہے اور ڈبل روٹی کو پتلا کرکے اس میں چکن ڈالیں اور چاروں طرف سے موڑ کر درمیان میں توتھ پک لگا کر اسے فرائی کرلیں۔ اسی طرح سبزی کا رول کا بھی بنے گا۔
