ساہیوال: وزیراعلیٰ پنجاب نے ٹیچنگ اسپتال میں رشوت لینے والے سیکیورٹی گارڈ کیخلاف دہشتگردی کا مقدمہ درج کرا دیا۔
تفصیلات کے مطابق گزشتہ روز ٹیچنگ اسپتال میں وزیر اعلیٰ پنجاب مریم نواز کے احکامات پر خاتون سمیت 3 سیکیورٹی گارڈز کو گرفتار کیا گیا تھا، تینوں سیکیورٹی گارڈز نے 9 جون کو مریض بچی کی عیادت کیلئے آنیوالوں سے 2 ہزار روپے رشوت لی تھی۔
پولیس نے بتایا کہ چلڈرن وارڈ کے سیکیورٹی گارڈز نے مریضہ کے رشتہ دار سے کہا پیسے دو گے تو اندر جانے دونگا۔
- Advertisement -
رشتہ داروں نے گارڈز کو 2 ہزار روپے رشوت دیکر مریض بچی کی عیادت کی، گزشتہ روز مریضہ کے اہلخانہ کی شکایت پر وزیراعلیٰ پنجاب نے سیکیورٹی گارڈز کو گرفتار کرایا تھا۔
تھانہ فرید ٹاؤن نے سیکیورٹی گارڈز کیخلاف انسداد دہشت گردی اور دیگردفعات کے تحت مقدمہ درج کرلیا ہے۔
