The news is by your side.

Advertisement

دلہن گاڑی چلا کر شادی ہال پہنچ گئی، ویڈیو وائرل

بھارت میں شادی کے دن کی مضحکہ خیز لمحات کی ویڈیو اکثر و بیشتر سوشل میڈیا پر وائرل ہوجاتی ہیں جسے دیکھ کر صارفین دنگ رہ جاتے ہیں۔

ایسی ہی ویڈیو سوشل میڈیا پر وائرل ہورہی ہے جس میں عروسی لباس پہنے دلہن گاڑی چلاتے اور جھومتے ہوئے شادی ہال پہنچ گئی۔

مذکورہ ویڈیو انسٹاگرام پر شیئر کی گئی اور کیپشن لکھا گیا کہ ’دلہن کو جب شادی کے مقام تک پہنچنے کا انتظار نہ ہورہا ہو تو سب کچھ ہاتھ میں لیے خود پہنچ جائے۔‘

ویڈیو میں دیکھا جاسکتا ہے کہ دلہن گاڑی چلا رہی ہے اور اس کے بیک گراؤنڈ میں مشہور بھارتی فلم ’ویوا‘ کا گانا ’ملن کی جلدی ہے، ٹرین کی دھیمی ہے رفتار‘ چل رہا ہے۔

دلہن کی ویڈیو سوشل میڈیا پر تیزی سے وائرل ہورہی ہے اور صارفین کی جانب سے اس پر دلچسپ تبصرے کرنے کا سلسلہ جاری ہے۔

ایک صارف نے لکھا کہ ’بہت ہی خوبصورت ویڈیو ہے۔‘ دیگر صارفین نے بھی ویڈیو پر ہنسنے والی ایموجی بنائی۔

یاد رہے کہ گزشتہ دنوں بھی ایک ویڈیو وائرل ہوئی تھی جس میں دلہن گاڑی چلا کر خود سسرال پہنچ گئی تھی اور دلہا ساتھ والی نشست پر بیٹھا ہوا تھا۔

Comments

یہ بھی پڑھیں