The news is by your side.

Advertisement

شادی سے چند گھنٹوں قبل دلہن کی دلچسپ ویڈیو وائرل

شادی کے دن خوبصورت نظر آنے کے لیے دلہنوں کی جانب سے مختلف جتن کیے جاتے ہیں تاکہ وہ اپنی شادی کے دن کو یادگار بناسکیں۔

کچھ دلہنیں شادی سے قبل ڈائٹنگ شروع کردیتی ہیں اور اس دوران ان کے لیے اپنی پسندیدہ کھانے پینے چیزوں سے دور رہنا آسان نہیں ہوتا لیکن وہ پھر بھی ڈائٹنگ کا عمل جاری رکھتی ہیں تاکہ اپنا وزن کم کرسکیں اور خوبصورت نظر آئیں۔

بھارت میں شادی کی ایک ایسی ہی ویڈیو سوشل میڈیا پر وائرل ہورہی ہے جس میں دیکھا جاسکتا ہے کہ دلہن شادی سے قبل کی جانے والی ڈائٹنگ سے متعلق بتارہی ہے۔

ویڈیو میں دیکھا جاسکتا ہے کہ دلہن بیوٹی پارلر میں تیار ہورہی ہے اس دوران اس نے اپنی روداد سناتے ہوئے بتایا کہ کس طرح اس نے شادی سے پہلے اپنا وزن کم کرنے کے لیے ڈائٹنگ شروع کی تھی اور اسی وجہ سے وہ اپنا پسندیدہ کھانا نہیں کھا سکتی تھی۔

دلہن کا کہنا تھا کہ میں نے کھانا چھوڑ رکھا ہے، پانچ کلو وزن کم کیا ہے، ڈائٹنگ کی وجہ سے میں نے کچھ نہیں کھایا، صبح کا ناشتہ بھی نہیں کیا، چائے تک نہیں پی ہے۔

دلہن نے مزید کہا کہ اب میں شادی کے دن خوب کھانے والی ہوں۔

ویڈیو پر سوشل میڈیا صارفین کی جانب سے دلچسپ تبصرے کیے جارہے ہیں ایک صارف نے لکھا کہ وہ بغیر کھائے ہی خوش ہیں، ایک اور خاتون صارف کا کہنا تھا کہ پتا نہیں میری شادی پر کیا ہونے والا ہے؟ ایک تیسرے صارف نے خاتون کی حوصلہ افزائی کی۔

Comments

یہ بھی پڑھیں