بہار : بھارتی ریاست بہار میں ایک زیرِ تعمیر پُل اپنے افتتاح سے قبل ہی گرگیا، مذکورہ پُل کو 13 کروڑ روپے کی لاگت سے تیار کیا گیا تھا۔
تفصیلات کے مطابق بہار کے بیگو سرائے ضلع میں گزشتہ روز ایک ہولناک واقعہ پیش آیا، اتوار کے دن دریائے بُدھی گنڈک پر قائم پل کا پل کا اگلا حصہ دریا میں گرگیا۔
مذکورہ پل چیف منسٹر کی خاص اسکیم کے تحت تعمیر کیا گیا تھا لیکن اپروچ روڈ نہ ہونے کی وجہ سے اس کا تاحال افتتاح نہیں ہوسکا۔
#WATCH | Bihar: A portion of a bridge that was built across Burhi Gandak River in Sahebpur Kamal, Begusarai collapsed and fell into the river yesterday. The bridge had developed cracks a few days back. Nobody was on the bridge at the time of the incident. pic.twitter.com/zB7L3bAOPA
— ANI (@ANI) December 19, 2022
اس حوالے سے بھارتی میڈیا کہنا ہے کہ دریا پر قائم 206 میٹر لمبا پل سال 2017 میں 13 کروڑ روپے سے زائد کی لاگت سے تعمیر کیا گیا تھا لیکن پلر نمبر 2-3 کے درمیان پل کا اگلا حصہ کمزور تعمیرات کے باعث ٹوٹ گیا
تاہم اس واقعے میں کسی قسم کی جانی نقصان کی اطلاع نہیں ملی، مقامی حکام کا کہنا ہے کہ واقعے کے وقت پل پر کوئی گاڑی بھی موجود نہیں تھی اس کی وجہ سے کوئی زخمی بھی نہیں ہوا۔
اس حوالے سے بھارتی میڈیا کہنا ہے کہ اگرچہ اس پل کا افتتاح نہیں ہوا تھا لیکن اس پر ہلکی گاڑیوں کی آمدورفت جاری تھی کیونکہ یہ پُل تقریباً 20,000 کی آبادی کو دیگر علاقوں سے جوڑتا ہے۔
رپورٹس کے مطابق کنکریٹ کا پل 2016 میں شروع کیا گیا تھا اور 2017 سے اس نے افتتاح کیے بغیر ہی کام کرنا شروع کردیا تھا اور دیہاتی پل پر سے گزر رہے تھے اور ہلکی گاڑیاں بھی اس پر چل رہی تھیں۔
یہ واقعہ گجرات کے موربی میں مچو دریا پر 232 میٹر لمبا پل گرنے کے تقریباً دو ماہ بعد ہوا ہے کیونکہ یہ بھی بڑے ہجوم کا وزن نہیں سنبھال سکتا تھا، صرف پانچ دن بعد جب اسے ‘تزئین و آرائش’ کے بعد عوام کے لیے کھول دیا گیا تھا۔
اس سے قبل30اکتوبر کو کیبل سسپنشن پل گرنے سے کم از کم 135 افراد ہلاک اور خواتین و بچوں سمیت سو سے زائد زخمی بھی ہوئے تھے۔
