گجرات : بھارت میں کیبل برج اچانک ٹوٹ گیا جس کے نتیجے میں کم از کم 400 افراد دریا میں گرگئے۔ واقعے میں اب تک 60افراد کے مرنے کی اطلاعات ہیں۔
تفصیلات کے مطابق بھارتی ریاست گجرات کے شہر موربی میں کیبل برج اچانک ٹوٹ کر گر پڑا جس کے بعد چار سو افراد دریائے مچھو میں جاگرے۔
ریسکیو ذرائع کا کہنا ہے کہ اب تک بتیس لاشیں نکال لی گئیں جبکہ ہلاکتیں بڑھنے کا خدشہ ظاہر کیا جارہا ہے مذکورہ کیبل برج کو انتظامیہ نے پانچ روز قبل ہی تزئین و آرائش کے بعد دوبارہ کھولا تھا۔
#WATCH | Several people feared to be injured after a cable bridge collapsed in the Machchhu river in Gujarat’s Morbi area today. Further details awaited. pic.twitter.com/hHZnnHm47L
— ANI (@ANI) October 30, 2022
حادثے میں 70 افراد کے زخمی ہونے کی بھی اطلاعات ہیں جنہیں ابتدائی طبی امداد کیلئے مقامی اسپتال منتقل کیا گیا ہے جس میں سے کچھ افراد کی حالت تشویشناک بتائی جارہی ہے۔
حادثے کے بعد جائے وقوعہ پر بھگڈر مچ گئی، ریسکیو اہلکار امدادی کارروائیاں جاری رکھے ہوئے ہیں بھارتی صدر اور وزیراعظم نے حادثے پر افسوس کا اظہار کرتے ہوئے ریسکیو کام تیز کرنے کی ہدایت دی ہے۔
