The news is by your side.

’اسحاق ڈار کو لانا معیشت کی بہتری کے لیے ایک کوشش ہے‘

جمعیت علما اسلام (ف) کے سربراہ مولانا فضل الرحمان نے کہا ہے کہ اسحاق ڈار کو لانا معیشت کی بہتری کے لیے ایک کوشش ہے۔

لاہور میں میڈیا سے گفتگو کرتے ہوئے مولانا فضل الرحمان نے کہا کہ عمران خان کےہاتھوں سےتباہ شدہ پاکستان ملا ہے کسی ملک کو تباہ کرنے کی سب سے بڑی کوشش سیاسی عدم استحکام ہے۔

مولانافضل الرحمان نے کہا کہ ڈالر کو کنٹرول کرنے میں بنیادی کردار اسٹیٹ بینک کا ہوتا ہے جلسوں کے مقابلے میں ہم کیا جلسےکریں عمران خان ناکام جلسےکر رہا ہے ہم سنجیدہ سیاست چاہتےہیں عمران کی جلسوں کی سیاست کوئی معنی نہیں رکھتی۔

ان کا کہنا تھا کہ مہنگائی کی وجہ عمران خان ہےجس نے ریاست کو معاشی اعتبار سےکمزور کیا لاکھوں نہیں کروڑوں افراد سیلاب سے متاثر ہے، 6 اضلاع کا فضائی دورہ کیاجہاں سیلاب نے تباہی مچادی ہمیں اختلافات سے بالاتر ہو کر سیلاب متاثرین کےلیےکام کرنا ہوگا۔

مولانافضل الرحمان نے مزید کہا کہ آڈیولیک پر بہت سختی سے ہاتھ ڈالنےکی ضرورت ہے اس میں ملوث افراد کےخلاف کارروائی ہونی چاہیے۔

Comments

یہ بھی پڑھیں