برسبین: برسبین ٹیسٹ کا دوسرا روز بھی آسٹریلیا کے نام رہا اور قسمت نے پاکستانی بولرز کا ساتھ نہ دیا۔
تفصیلات کے مطابق پاکستان اور آسٹریلیا کے درمیان کھیلے جانے والے پہلے ٹیسٹ میچ کے دوسرے روز ڈیوڈ وارنر نے شاندار ناقابل شکست151 رنز کی اننگز کھیلی اور ٹیسٹ میں آسٹریلیا کی پوزیشن مستحکم بنادی۔
پاکستان کے نوجوان فاسٹ بولر نسیم شاہ کو اچھی بولنگ کا انعام نہ مل سکا، نسیم نے ڈیوڈ وارنر کو 56 رنز پر آؤٹ کردیا پر ان کی قسمت اچھی تھی کہ وہ نوبال ہوگئی۔
"That’s not good enough”
Ricky Ponting discusses the no balls that were called – and those that weren’t – on day two in Brisbane #AUSvPAK pic.twitter.com/FYGIt3EXQ9
— cricket.com.au (@cricketcomau) November 22, 2019
ڈیوڈ وارنر دوسری مرتبہ اس وقت آؤٹ ہونے سے بچ گئے جب فاسٹ بولر عمران خان کی گیند اسٹمپ کو چھو کر گزر گئی لیکن بیلز نہیں گریں۔
دوسری جانب پہلے ٹیسٹ میں امپائر کا ناقص معیار سامنے آیا ہے اور 21 نوبال نہ دئیے جانے کا انکشاف ہوا ہے.
آسٹریلوی نشریاتی ادارے چینل 7 نے دوسرے دن چائے کے وقفے کے بعد اپنی رپورٹ میں بتایا کہ میچ کے دوسرے پاکستانی بولر نے دو سیشنز کے دوران 21 نوبال کیں لیکن فیلڈ پرموجود امپائروں نے وہ نوبال کال نہیں کیں۔
مزید پڑھیں: پوری کوشش ہوگی کل آسٹریلیا کو آؤٹ کریں: یاسر شاہ
Brilliant fielding by Yasir Shah but David Warner is home, just!#AUSvPAK | https://t.co/oHjjQibN4b pic.twitter.com/t235fIyz5Y
— cricket.com.au (@cricketcomau) November 22, 2019
آسٹریلوی نشریاتی ادارے نے ان نوبالز کی فوٹیج بھی چلائی جنہیں امپائر کی جانب سے نوبال قرار نہیں دیا گیا ہے۔
واضح رہے کہ اگر یہ 21 نوبال امپائروں نے دی ہوتیں تو آسٹریلین ٹیم کے ہدف میں اضافہ ہوتا بلکہ پاکستان کو اضافی 3.3 اوورز بھی کرنے پڑ جاتے۔
