لندن : برطانیہ کے حساس ادارے ایم آئی 6 کے نئے سربراہ کا کہنا ہے کہ برطانیہ کودہشت گردی کےشدید خطرات کاسامناہےجواس سے پہلے کبھی نہیں تھا۔
تفصیلات کےمطابق برطانوی خفیہ ایجنسی ایم آئی سکس کے سربراہ نے خبردارکیاہے کہ برطانیہ کو جس سطح کے دہشت گردی کے خطرے کا اس وقت سامناہے ایسا اس سے پہلے کبھی نہیں تھا۔
ایم آئی 6 کے سربراہ ایلکس ینگر کا کہنا تھا کہ برطانوی انٹیلی جنس اور سکیورٹی اداروں نے جون 2013 سے دہشت گردی کے 12 منصوبوں کا ناکام بنایا ہے۔
ایلکس ینگرکامزید کہناتھاکہ برطانیہ کوانتہاپسندوں سےجمہوریت الٹنےاور سائبرحملوں جیسے خطرات کا بھی سامنا ہے۔
برطانیہ کے دارالحکومت لندن میں ایم آئی 6 کے ہیڈکوارٹرز میں ایم آئی 6 کے سربراہ کا کہناتھاکہ دولت داعش نے شام کی صورت حال کو خطے میں اپنا مضبوط گڑھ بنانے کے لیے استعمال کیا ہوا ہے اور مغرب کے خلاف جنگ چھیڑی ہوئی ہے۔
واضح رہے کہ ایلکس ینگر کا کہنا تھا کہ داعش کے پاس انتہائی منظم انداز میں حملے کرنے کا نظام تھا جس کے ذریعے وہ برطانیہ اور اس کے اتحادیوں پرشام کو چھوڑے بغیر ہی حملے کرنے کی منصوبہ بندی کر رہے تھے۔
