برطانیہ میں بارشوں کی کمی کے باعث کئی علاقے خشک سالی کا شکار ہوچکے ہیں، ملک کے آبی ذخائر میں مسلسل کمی آرہی ہے۔
انوائرمنٹ ایجنسی کی رپورٹ کے مطابق برطانیہ کا یہ موسم بہار 135 سالہ تاریخ میں خشک ترین سال رہا ہے، اس وجہ سے نہ صرف ندی نالے خشک ہوچکے ہیں بلکہ واٹر ریزروائر میں بھی پانی کی سطح میں کمی آرہی ہے۔
برطانیہ کے آبی ذخائر اس وقت 80 فیصد سے 65 فیصد تک پہنچ گئے ہیں جو کہ عموماً اس موسم میں 80 فیصد سے زائد ہوتے ہیں۔
ملک میں برسات میں کمی کی وجہ سے ذخائر مسلسل کم ہورہے ہیں، برطانیہ میں مسلسل بڑھتے درجہ حرارت نے بھی اس خشک سالی میں اہم کردار ادا کیا ہے۔
واٹر کمپنیرز نے برطانیہ کے رہنے والوں کو کہا ہے کہ پانی کا ضیاع نہ کریں اور اسے احتیاط سے استعمال کریں، بارشوں اگر نہ ہوئیں تو آنے والے دنوں میں برطانیہ میں پانی کا بحران پیدا ہوسکتا ہے۔
