The news is by your side.

Advertisement

برطانیہ سے پاکستان آنے والے مسافروں کے لیے خوش خبری

برطانیہ کی ایئر لائن ورجن اٹلانٹک نے 10 دسمبر سے پاکستان کے لیے فضائی آپریشن کا فیصلہ کر لیا، شیڈول جاری

کراچی: برطانوی ایئر لائن نے 10 دسمبر سے پاکستان کے لیے فضائی آپریشن شروع کرنے کا فیصلہ کر لیا۔

اے آر وائی نیوز کے مطابق برطانیہ کی ایئر لائن ورجن اٹلانٹک نے 10 دسمبر سے پاکستان کے لیے فضائی آپریشن کا فیصلہ کر لیا ہے، اس سلسلے میں ایئر لائن انتظامیہ کی جانب سے پروازوں کا شیڈول بھی جاری کر دیا گیا ہے۔

سول ایوی ایشن کی جانب سے لینڈنگ کی اجازت کے بعد بکنگ کا آغاز ہوگا، ایئر لائن دس دسمبر کو مانچسٹر سے اسلام آباد پہلی فلائٹ آپریٹ کرے گی، 12 دسمبر کو لندن سے اسلام آباد اور 13 دسمبر کو لندن سے لاہور کے لیے فلائٹ آپریٹ کرے گی۔

ورجن اٹلانٹک لندن سے لاہور ہفتہ وار 4 پروازیں، مانچسٹر سے اسلام آباد ہفتہ وار 4 پروازیں، لندن سے اسلام آباد ہفتہ وار 3 فلائٹس آپریٹ کرے گی۔

ورجن اٹلانٹک ایئرویز کا پاکستان کیلئے پروازیں شروع کرنے کا اعلان

مسافروں کو لاہور سے براہ راست لندن کے لیے ورجن اٹلانٹک ایئر ویز کی پرواز میں اپر کلاس، پریمیم اور اکانومی لائٹ کلاس کی سفری سہولت میسر ہوگی۔

یاد رہے کہ گزشتہ ماہ ورجن اٹلانٹک ایئر ویز نے پاکستان کے لیے نئی پروازوں کے آغاز کا اعلان کیا تھا، چیف کمرشل آفیسر جوہا جارونین کا کہنا تھا کہ لاہور اور اسلام آباد دونوں ہی مشہور منزلیں ہیں، ہم اپنے جہاز پر مسافروں کے استقبال کے منتظر ہیں۔

Comments

یہ بھی پڑھیں