The news is by your side.

Advertisement

اسلام آباد : برطانوی ایئرلائن کی پہلی پرواز آج رات پاکستان پہنچے گی

اسلام آباد : ورجن اٹلانٹک نے آج 11دسمبر 2020سے پاکستان کیلئے فلائٹ آپریشن کا آغاز کردیا ہے اس سلسلے میں پہلی پرواز آج رات اسلام آباد پہنچے گی۔

اسلام آباد سے مانچسٹر کیلئے ہفتے میں 4پرواز چلائی جائیں گی جبکہ 14 دسمبر 2020 سے لاہور سے لندن کی پرواز ہفتے میں 4 دن چلے گی، برطانوی ایئرلائن کی پہلی پرواز مانچسٹرسے اسلام آباد پہنچے گی۔

معاون خصوصی برائے اوورسیز پاکستانی زلفی بخاری مسافروں کے استقبال کیلئےائیرپورٹ پر موجود ہوں گے، برطانوی ہائی کمیشن حکام بھی زلفی بخاری کے ہمراہ ہوں گے۔

اس حوالے سے معاون خصوصی کا کہنا ہے کہ بین الاقوامی ایئرلائنز کی بحالی سے ملک میں تجارت اور سیاحت کو فروغ حاصل ہوگا اس کے ساتھ ساتھ پاکستان اور برطانیہ کے تعلقات بھی مزید مضبوط ہوں گے، انہوں نے کہا کہ دونوں ممالک کے تعلقات مضبوطی کی جانب گامزن ہیں۔

Comments

یہ بھی پڑھیں