کراچی : وفاقی وزیر ایوی ایشن غلام سرور خان نے کہا ہے کہ برٹش ایئر ویز کے فضائی آپریشن کے بحالی کے فیصلے کو خوش آمدید کہتے ہیں، آج برٹش ایئر ویز کا طیارہ اسلام آباد ایئر پورٹ پر لینڈ کرے گا۔
یہ بات انہوں نے اپنے ویڈیو پیغام میں کہی۔ وفاقی وزیر ایوی ایشن غلام سرور خان نے برٹش ایئز ویز کے پاکستان میں فضائی آپریشن کی بحالی پر ویڈیو پیغام جاری کردیا۔
ان کا کہنا ہے کہ3جون کو برٹش ایئر ویز کا طیارہ اسلام آباد ایئر پورٹ پر لینڈ کرے گا، برٹش ایئر ویز کو پاکستان میں آپریشن کے بحالی پر خوشی ہے، برٹش ایئر ویز نے2008میں سیکیورٹی کی صورت حال وجہ فضائی آپریشن معطل کیا تھا۔
پاکستان میں سیکیورٹی صورتحال میں بہتری اور موجودہ جمہوری حکومت پر اعتماد کیا، برٹش ایئر ویز کو پاکستان میں فضائی آپریشن کے بحالی کے فیصلے کو خوش آمدید کہتے ہیں۔
انہوں نے کہا کہ برٹش ایئر ویز کی فضائی آپریشن کی بحالی سے ایوی ایشن ڈویزن کی حوصلہ افزائی ہوگی، برٹش ایئر ویز کی بحالی کے باعث دیگر یورپین ملکوں کی فضائی کمپنیاں پاکستان سے رجوع کر رہی ہیں جس سے ایوی ایشن انڈسٹری کو فروغ ملے گا،3جون کا دن ایوی ایشن کی تاریخ میں اہم دن ثابت ہوگا۔
برٹش ایئر ویز کی تین ہفتہ وار پروازیں اسلام آباد آئیں گی، مسافروں کی سہولت کے ساتھ ساتھ سیاحت کے شعبہ میں بھی ترقی ہوگی، برٹش ہائی کمیشن اور برطانوی حکومت اور برٹش ایئر ویز انتظامیہ کا مشکور ہوں۔
