اسلام آباد : برٹش ایئرویز نے اسلام آباد کے لیے پروازوں میں تبدیلی کا اعلان کرتے ہوئے لندن لاہورکے لیے فلائٹس معطلی کی افواہوں کی تردید کردی۔
تفصیلات کے مطابق برٹش ایئرویز نے اسلام آباد کے لیے پروازوں میں تبدیلی کا اعلان کردیا ، ترجمان نے کہا کہ بی اے فلائٹس اب ہیتھروکی بجائے گیٹ وک ایئرویز سے اڑا کریں گی، برٹش ایئرویزفلائٹس کی تبدیلی کا اطلاق27مارچ سے ہوگا۔
برٹش ایئرویز کے ترجمان نے لندن لاہورکے لیے فلائٹس معطلی کی افواہوں کی تردید بھی کی۔
یاد رہے چند روز قبل برٹش ایرویز نے اعلان کیا تھا کہ اپریل 2021 سے لاہور کے لئے پروازیں آپریٹنگ نہیں کی جائیں گی تاہم پروازوں سے متعلق ردو بدل آتی ہے تو مسافروں کو آگاہ کیا جائے گا، مسافر پروازوں سے متعلق برٹش ایئر ویز کی ویب سائٹ BA.com پر اپ ڈیٹ کیا جائے گا۔
واضح رہے کہ گزشتہ سال اگست میں برٹش ایئر ویز نے پاکستان کا فضائی آپریشن بحال کیا تھا۔ برٹش ایئرویز کی پہلی پرواز نے ہیتھرو ایئرپورٹ سے لاہور کیلئے اڑان بھری اور پرواز بی اے 259 لندن سے 214 مسافروں کو لے کر لاہور پہنچی۔
خیال رہے برٹش ایئرویز برطانیہ سے لاہور کیلئے ہفتے میں 4پروازیں جبکہ اسلام آباد سے ہفتہ وار پروازیں چلارہی ہے۔
