The news is by your side.

Advertisement

پاکستانی نژاد برطانوی شہری نے نا ممکن کو ممکن کر دکھایا

مانچسٹر: پاکستانی نژاد برطانوی شہری کامران خان بنگش نے موٹرسائیکل پر دنیا کا چکر لگا کر بڑا اعزاز اپنے نام کرلیا۔

نمائندہ اے آر وائی نیوز کے مطابق کامران خان بنگش وہ پہلے پاکستانی موٹر سائیکل سوار ہیں جنہوں نے اکیلے ہی دنیاکے گرد چکر مکمل کیا۔

اے آر وائی نیوز سے گفتگو کرتے ہوئے اعزاز حاصل کرنے والے پاکستانی نژاد برطانوی شہری کا کہنا تھا کہ اُنہوں نے دنیا گھوم لی مگر پاکستان سے خوبصورت ملک کہیں اور نہیں دیکھا، پاکستان قدرتی حسن سے مالا مال ملک ہے۔

انہوں نے بتایا کہ میں غیرملکی موٹرسائیکل سواروں کو پاکستان بھی لے کر گیا، جس کا مقصد غیر ملکی بائیکرز کو یہ پیغام بھی دینا تھا کہ پاکستان ایک محفوظ اور خوبصورت ملک ہے ۔

اُن کا مزید کہنا تھا کہ اُنہیں اس چکر کو پورا کرنے میں دو سال کا عرصہ لگا اور اس دوران کئی مشکلات بھی درپیش آئیں مگر وہ ہمیشہ اللہ کا نام لے کر گھر سے نکلتے تھے اور ہر مشکل میں اللہ نے اُن کو مشکلات سے نکالا اور مدد کی۔

پاکستان میں سیاحت کے حوالے سے اُن کا کہنا تھا کہ بین الاقوامی سیاحوں کو متوجہ کرنے کے لیے پاکستان میں بہت مواقع میسر ہیں مگر ماضی میں حکومتوں نے سیاحت پر توجہ نہیں دی لیکن اب اُمید ہے کہ موجودہ حکومت اس حوالے سے اقدامات کرے گی تاکہ غیر ملکی سیاح زیادہ تعداد میں پاکستان کا رُخ کر سکیں۔

Comments

یہ بھی پڑھیں