اسلام آباد : برطانوی ہائی کمیشن کا خاتون سفارت کار کی گاڑی کی ٹکر سے پولیس اہلکار کے زخمی ہونے کے معاملے پر وضاحتی بیان سامنے آگیا۔
تفصیلات کے مطابق اسلام آباد میں خاتون سفارت کار کی گاڑی کی ٹکر سے پولیس اہلکار کے زخمی ہونے کے واقعے پر برطانوی ہائی کمیشن نے وضاحتی بیان جاری کردیا۔
ترجمان نے کہا کہ ایک اسٹاف ممبر کی گاڑی آج ٹریفک حادثے میں ملوث تھی، اسٹاف ممبرنےتمام ضوابط پرعمل کیا، معاملے پر مقامی انتظامیہ سے تعاون کر رہے ہیں۔
مزید پڑھیں : اسلام آباد: غیرملکی سفارتخانے کی اہلکار نے پولیس کانسٹیبل پر گاڑی چڑھا دی
یاد رہے گذشتہ روز اسلام آباد میں غیرملکی سفارتخانے کی خاتون اہلکار نے پولیس کانسٹیبل پر گاڑی چڑھا دی تھی ، حادثہ اسلام آباد کی شاہراہ دستور پر پیش آیا، جہاں غیرملکی سفارتخانے کی خاتون اہلکار نے سگنل توڑ کر گاڑی کانسٹیبل عامر کاکڑ پر چڑھائی ، جس کے نتیجے میں وہ شدید زخمی ہوگیا تھا۔
پولیس کانسٹیبل کو تشویشناک حالت میں اسپتال منتقل کیا گیا تھا ، جہاں اس کی حالت خطرے میں بتائی جا رہی ہے ، بعد ازاں حادثے سے متعلق ضابطے کی کارروائی شروع کردی گئی تھی۔
