ٹی 20 ورلڈ کپ میں پاکستان ٹیم کی جیت اور سیمی فائنل میں رسائی پر برطانوی ہائی کمشنر ڈاکٹر کرسچین ٹرنر بھی خوش ہیں۔

آسٹریلیا میں جاری ٹی 20 ورلڈ کپ میں پاکستانی ٹیم کی بنگلہ دیش کو شکست کے ساتھ ہی فائنل فور میں رسائی نے جہاں دنیا بھر میں پاکستانی شائقین کرکٹ میں خوشی کی لہر دوڑا دی ہے وہیں پاکستان میں موجود برطانوی ہائی کمشنر بھی اس جیت پر خوش ہیں۔

برطانوی ہائی کمشنر ڈاکٹر کرسچین ٹرنر نے سماجی رابطوں کی ویب سائٹ ٹوئٹر اپنے اس حوالے سے ایک تہنیتی پیغام جاری کیا ہے۔

کرسچین ٹرنر نے اپنے ٹوئٹ میں لکھا ہے کہ زبردست، کیا جیت ہے؟ ٹیم پاکستان کی کیا بات ہے؟
انہوں نے مزید کہا کہ میں تمام پاکستانی کرکٹ شائقین کی خوشی محسوس کرسکتا ہوں، اب پاکستان اور نیوزی لینڈ سیمی فائنل میں مد مقابل ہوں گے۔