لندن : بکنگھم پیلس نے آج جاری کیے گئے ایک بیان میں تصدیق کرتے ہوئے انکشاف کیا ہے کہ برطانیہ کے شاہ چارلس سوم میں کینسر کی تشخیص ہوئی ہے۔
بیان کے مطابق اس جان لیوا بیماری کینسر کی تشخیص بادشاہ چارلس سوئم کے حالیہ علاج کے دوران ہوئی۔
بکنگھم پیلس کی جانب سے جاری بیان میں کینسر کی قسم نہیں بتائی گئی لیکن آج بروز پیر سے باقاعدہ علاج شروع ہوچکا ہے۔
خبر رساں ادارے رائٹرز کے مطابق 75 سالہ بادشاہ چارلس نے گذشتہ ماہ بڑھے ہوئی غدود کے علاج کے دوران تین راتیں اسپتال میں گزاری تھیں۔
بادشاہ چارلس اپنےعلاج کیلئے پرعزم اور جلد ہی عوامی ڈیوٹی پر واپس آنے کے منتظر ہیں۔ تاہم اس دوران بادشاہ اپنی دیگر مصروفیات ملتوی کردیں گے۔
بکنگھم پیلس کے مطابق شاہی خاندان کے دیگر افراد علاج کے دوران ذمہ داریاں ادا کریں گے، 75سالہ بادشاہ سربراہ ریاست کے طور پراپنا کردار جاری رکھیں گے۔
اس کے علاوہ علاج کے دوران کاغذی کارروائیاں اور ملاقاتیں بھی ہوں گی، بادشاہ چارلس نے اتوار کے روز چرچ سروس میں بھی شرکت کی تھی۔
