بھارت کی بینگلورو پولیس نے گریمی ایوارڈ یافتہ برطانوی گلوکار ایڈ شیرن کے اسٹریٹ پرفارمنس سے روک دیا جس پر گلوکار نے ردعمل بھی دیا ہے۔
خبر رساں ادارے روئٹرز کے مطابق جنوبی بھارتی ریاست کرناٹک کے صدر مقام بینگلور کی سڑک پر ایڈ شیرن پرفارمنس کرنے کھڑے ہوگئے، اس دوران مقامی پولیس کی جانب سے انہیں روکنے کی ایک ویڈیو سوشل میڈیا پر وائرل ہوگئی۔
ویڈیو میں گلوکار شیرن کو ایک سفید ٹی شرٹ اور شارٹس میں ملبوس دیکھا جاسکتا ہے، اپنے بنگلورو کنسرٹ سے پہلے وہ ایک فٹ پاتھ پر گاتے اور گٹار بجاتے ہوئے نظر آئے۔
ویڈیو میں دیکھا گیا کہ بینگلورو پولیس ایڈ شیرن کو پہنچان نہ سکی اور انہیں پرفارمنس روکنے کو کہا جبکہ ایک افسر نے انکا مائیکرو فون بند کردیا جسے دیکھ کر تماشائی حیران رہ گئے۔
اس واقعے کے بعد ایڈ شیرن نے انسٹاگرام اسٹوریز پر واضح کیا کہ یہ اچانک نہیں بلکہ پہلے سے طے شدہ پرفارمنس تھی، ہمارے پاس اسکی اجازت تھی اور ہم بالکل اسی جگہ پر پرفارم کر رہے تھے جہاں کی ہمیں اجازت ملی تھی۔
برطانوی گلوکار ایڈ شیرن نے اسٹوری پر مزید لکھا کہ شو آج رات ایکس پر دیکھیے گا، انہوں نے ایک تصویر بھی پوسٹ کی کہ وہ شہر میں پرفارم کےلیے کس قدر پُرجوش تھے۔
View this post on Instagram
واضح رہے کہ ایڈ شیرن کنسرٹس کے لیے اس وقت بھارت میں ہے، انہوں نے فوٹو اینڈ شیئرنگ ایپ انسٹاگرام پر بینگلورو کانسرٹ کی ویڈیو شیئر کی ہے، انہوں نے ایک کھلے میدان میں ہزاروں لوگوں کے سامنے پرفارم کیا، ان کے ساتھ بھارتی گلوکارہ شلپا راؤ بھی تھیں۔
