کراچی: برطانیہ کے محکمہ ٹرانسپورٹ کے وفد نے پاکستان کے 3 بڑے ایئرپورٹس کا سیکیورٹی آڈٹ مکمل کرلیا، وفد نے اقدامات پر اطمینان کا اظہار کیا ہے۔
تفصیلات کے مطابق برطانیہ کے محکمہ ٹرانسپورٹ نے اسلام آباد، لاہور اور کراچی ایئرپورٹس کی سیکیورٹی آڈٹ مکمل کرلیا ہے، برطانوی ٹیم نے ایئرپورٹس کی سیکیورٹی آڈٹ مکمل کرنے کے بعد برطانیہ روانہ ہوگئے۔
ذرائع کا کہنا ہے کہ برطانوی محکمہ ٹرانسپورٹ کے وفد نے پاکستان کے ایئرپورٹ پر سیکیورٹی سے متعلق اقدامات پر اطمینان کا اظہار کیا ہے۔
برطانوی سیکیورٹی ایجنسی ڈی ایف ٹی کا وفد پاکستان پہنچ گیا
ذرائع نے بتایا کہ برطانوی ٹیم نے اسسمنٹ پروگرام کے تحت ایئرپورٹس کی سیکیورٹی سے متعلق انتظامات کا جائزہ لیا، سی اے اے ٹیم نے برطانوی ٹیم کو ایئر پورٹس پر کئے جانے والے اقدامات کے حوالے سے بریفنگ دی۔
ذرائع کا بتانا ہے کہ برطانوی ٹیم نے اسلام آباد، کراچی اور لاہور ایئرپورٹس پر سیکیورٹی کا آڈٹ کیا، اس دوران وفد نے فلائٹ کچن،گراونڈ ہینڈلنگ سمیت دیگر شعبہ جات کا بھی آڈٹ کیا۔
