The news is by your side.

Advertisement

بلوچستان کے ساحل پر 30 فٹ لمبی بروڈز وہیل مردہ حالت میں برآمد

کراچی : بلوچستان کے ساحل پر30فٹ لمبی بروڈز وہیل مردہ حالت میں ملی ہے، یہ مچھلی پاکستان میں3نایاب وہیلز میں سے ایک تھی۔

تفصیلات کے مطابق ڈبلیو ڈبلیو ایف کی ٹیم نے بلوچستان کی ساحلی پٹی پر آپریشن کے بعد ایک بروڈز وہیل کو ڈھونڈ نکالا، 30 فٹ لمبی وہیل مردہ حالت میں ملی۔

مقامی ماہی گیروں کے مطابق وہیل جال میں پھنسی ہوئی تھی، ہم نے اپنے دستیاب محدود وسائل سے وہیل کو جال سے نکالنے کی کوشش کی گئی مگر ناکام ہوگئے۔

اس حوالے سے ذرائع کا کہنا ہے کہ ڈبلیو ڈبلیو ایف کی ٹیم اس جگہ پہنچی مگر وہ بھی وہیل کو تلاش نہ کرسکی، بعد ازاں گوادر اور ایران کی سرحد کے ساحل پر آپریشن کیا گیا، آپریشن کے چار دن بعد وہیل کو مردہ حالت میں پایا گیا۔

ڈبلیو ڈبلیو ایف کے عہدیدار معظم خان نے میڈیا کو بتایا کہ پاکستان میں پائی جانے والی 3 نایاب ویلز میں سے یہ ایک تھی۔

مزید پڑھیں : کراچی کے قریب چرنا آئی لینڈ پر پہلی بار بلیووہیل دیکھی گئی

واضح رہے کہ بلیو وہیل دنیا میں پائے جانے والے بڑے جانوروں میں سے سب سے بڑا ہے، بلیو وہیل شرمپ نامی ایک چھوٹی مخلوق کو اپنی خوراک بناتی ہے، جسے کرِل کہتے ہیں۔

اس سے قبل نایاب نسل کی اسپرم وہیلز کراچی سے 22 کلومیٹر دور دیکھی گئی تھیں بعد ازاں یہ وہیل بلوچستان کے ساحلوں سنارا بیچ اور جیوانی میں بھی دیکھی گئیں، کراچی سے لے کر بلوچستان تک جن ماہی گیروں نے اسے دیکھا اور ان وہیلوں کی تصاویر اور ویڈیوز بھی بنائیں۔

fb-share-icon0
Tweet 20

Comments

comments

یہ بھی پڑھیں