The news is by your side.

Advertisement

براڈشیٹ کمیشن کی آصف زرداری کے سوئس مقدمات کا ریکارڈ کھولنے کی سفارش

اسلام آباد: براڈشیٹ کمیشن نے آصف زرداری کےسوئس مقدمات کاریکارڈکھولنے کی بھی سفارش کردی اور کہا نیب ریکارڈ کو ڈی سیل کرکےجائزہ لے کہ اسکا کیا کرنا ہے۔

تفصیلات کے مطابق جسٹس ریٹائرڈعظمت سعیدشیخ کی سربراہی میں قائم براڈشیٹ کمیشن نے اپنا کام مکمل کرلیا، کمیشن کی رپورٹ میں جہاں ہوشرباانکشافات کئے گئے وہیں آصف زرداری کے سوئس مقدمات کا ریکارڈ بھی سامنے آگیا۔

رپورٹ میں کمیشن نے نیب کو سوئس مقدمات کا سربمہر ریکارڈ کھولنے کی سفارش کرتے ہوئے کہا نیب ریکارڈ کو ڈی سیل کرکےجائزہ لے کہ اسکا کیا کرنا ہے، سوئس مقدمات کا ریکارڈ نیب کے اسٹور روم میں موجود ہے۔

اس حوالے سے وفاقی وزیر فواد چوہدری نے اے آر وائی نیوز سے خصوسی گفتگو کرتے ہوئے کہا قوم جاننا چاہتی ہے سوئس اکاؤنٹس کا پیسہ کہاں گیا اور اب یہ ممکن ہوگا عوام جان سکیں گے کہ وہ پیسہ کہاں گیا۔

فوادچوہدری کا کہنا تھا کہ براڈشیٹ کو 15لاکھ ڈالر ادائیگی کی فائلز چاروں جگہ سے غائب ہے، رپورٹ پربراڈشیٹ کمیشن کوخراج تحسین پیش کرتاہوں۔

انھوں نے مزید کہا براڈشیٹ کمیشن کی رپورٹ بہت اہم ہے ،اس سے نیب کو مدد ملےگی، نیب کو 90کی دہائی کے مقدمات نمٹانے میں مدد ملے گی۔

Comments

یہ بھی پڑھیں