The news is by your side.

Advertisement

چترال میں حالیہ سیلاب کی تباہ کاریاں، بروغل فیسٹیول ملتوی

چترال: حالیہ سیلاب کی تباہ کاریوں کے باعث پاکستان، تاجکستان اور افغانستان کو ملانے والی واخان پٹی پر موجود آخری سرحدی گاؤں بروغل میں فیسٹیول ملتوی کر دیا گیا۔

تفصیلات کے مطابق بروغل فیسٹیول 5 اور 6 ستمبر کو اَپر چترال کی وادی بروغل میں منعقدہونا تھا، تاہم سیلاب کی تباہ کاریوں کے بعد اب یہ فیسٹیول 12 اور 13 ستمبر کو وادی بروغل میں منعقد ہوگا۔

فیسٹیول میں یاک پولو، کرکٹ، فٹ بال، بُز کشی، میراتھن، دیگر روایتی کھیل اور موسیقی کی محفل منعقد ہوگی، اس فیسٹیول میں چترال کے دور دراز علاقوں سے کھلاڑی تبت کے پہاڑی علاقوں ميں پائے جانے والے جنگلی بیل ’یاک‘ کے ذریعے بروغل پہنچتے ہیں۔

قومی و بین الاقوامی سیاحوں کیلیے بڑی خوشخبری

فیسٹیول محکمہ سیاحت خیبر پختون خوا اور ضلعی انتظامیہ اَپر چترال کے تعاون سے منعقد ہوگا، یہ فیسٹیول سطح سمندر سے 13 ہزار 600 فٹ بلندی اور چترال سے 250 کلو میٹر دور منعقد ہوتا ہے۔

وادی بروغل میں 30 کے قریب تازہ پانی کی مختلف جھیلیں بھی موجود ہیں۔

واضح رہے کہ اس علاقے کی مخصوص اور منفرد جعرافیائی و علاقائی خدوخال کی وجہ سے بروغل فیسٹیول ایڈونچر ٹور ازم کے شائقین کے لیے انتہائی کشش کا باعث ہے جہاں سیاح دیگر سرگرمیوں سے لطف اندوز ہونے کے ساتھ گلیشیئرز، دریاؤں، ندی نالوں، جھیلوں، اونچے اونچے پہاڑی سلسلوں، متنوع جنگلی حیات اور قدرت کے دیگر سحر انگیز مناظر کا انتہائی قریب سے نظارہ کر سکتے ہیں۔

Comments

یہ بھی پڑھیں