جون ایلیا نے کہا تھا:
کون اس گھر کی دیکھ بھال کرے
روز اک چیز ٹوٹ جاتی ہے
ہمارے استعمال اور کھانے پینے کی مختلف اشیا اکثر ہماری غلطی، بے احتیاطی یا حادثے کے سبب برباد اور ضایع ہو جاتی ہیں۔
اشیا کی ٹوٹ پھوٹ کوئی انوکھی اور تعجب خیز بات نہیں۔ خود انسان کی زندگی میں شکست و ریخت کا عمل ہمیشہ سے جاری ہے اور یہ سب اسے اپنا حوصلہ، عزم و ہمت اور ارادے کی مضبوطی کو آزمانے کا موقع دیتا ہے۔
آپ نے بھی کبھی نہ کبھی بے احتیاطی، غلطی کی ہو گی یا کوئی ایسا حادثہ ضرور ہوا ہو گا جس کے نتیجے میں کوئی بیش قیمت یا معمولی اور کارآمد شے ٹوٹ گئی ہو۔
مختلف ٹوٹی ہوئی اشیا کی یہ تصویریں دیکھیے۔ یاد کیجیے کہ وہ کیا چیز تھی جو آپ سے ٹوٹی تھی۔
