The news is by your side.

Advertisement

کپڑے استری نہ کرنے پر بھائی نے بہن کو قتل کردیا

صوبہ پنجاب کے شہر ساہیوال میں سفاک بھائی نے صرف کپڑے استری نہ کرنے کی معمولی بات پر بہن کو فائرنگ کرکے قتل کردیا اور فرار ہوگیا۔

لوگوں میں قوت برداشت ختم ہوتی جارہی ہے اور معاشرے میں انتہائی معمولی باتوں پر بغیر کسی لحاظ کے ایک دوسرے سے دست وگریباں ہونا معمول بنتا جارہا ہے اور کبھی کبھار یہ عدم برداشت بڑے سانحے کا باعث بن جاتا ہے جیسا کہ صوبہ پنجاب کے شہر ساہیوال میں ہوا ہے۔

اے آر وائی نیوز کے مطابق ساہیوال میں کپڑے استری نہ کرنے جیسی انتہائی معمولی بات پر سفاک بھائی نے بہن کو گولی مار کر قتل کردیا اور خود گھر سے فرار ہوگیا۔

تھانہ یوسف والا پولیس نے متوفیہ کی والدہ کی مدعیت میں بیٹے کے خلاف مقدمہ درج کرکے ملزم کی تلاش شروع کردی ہے۔

یاد رہے کہ معمولی تنازع پر اس سے قبل بھی قتل کی لرزہ خیز کئی وارداتیں رونما ہوچکی ہیں۔

اسی شہر فیصل آباد میں چند سال قبل صرف 10 روپے کی خاطر 6 بہنوں کے اکلوتے بھائی کو قتل کردیا گیا تھا۔

یہ بھی پڑھیں: ساہیوال : صرف 10 روپے کیلئے 6 بہنوں کا اکلوتا بھائی قتل

ساہیوال کے نواحی گاؤں میں 25 سالہ پرویز نے سواری کو منزل تک پہنچانے کیلئے 40 روپے طلب کیے مگر رکشے میں سوار مسافر 30 روپے سے زیادہ دینے کو تیار نہ تھا، معمولی تلخ کلامی کے بعد رکشے میں سوار شخص نے پرویز کو پہلے ڈنڈے مارے پھر چھریوں کے وار سے قتل کردیا۔

Comments

یہ بھی پڑھیں