گوجرانوالہ میں شوہر کے ساتھ جانے سے انکار پر بھائی نے بہن کی جان لے لی۔
تفصیلات کے مطابق واقعہ صدر کے علاقہ جنڈیالہ میں پیش آیا جہاں بھائی نے چھری مار کر بہن کو قتل کر دیا۔
لڑکی 2 ہفتے پہلےگھر سے چلی گئی تھی اور واپس آئی تو والدین نے کزن سے نکاح کر دیا۔ لڑکی شوہر کے گھر جانے سے انکاری تھی جس پر بھائی ذیشان نے چھری مار کر قتل کر دیا۔
تھانہ صدر پولیس نے لاش پوسٹمارٹم کیلئے اسپتال منتقل کر دی جب کہ ملزم فرار ہو گیا ہے جس کی تلاش جاری ہے۔
پولیس نے واقعے کا مقدمہ درج کر لیا ہے اور ابتدائی شواہد اکٹھے کر لیے ہیں۔ ضابطے کی کارروائی کے بعد لاش کو لواحقین کے حوالے کیا جائے گا۔
