site
stats
پاکستان

ووٹ ڈالنے کےجرم میں بھائی نے بڑی بہن کو قتل کردیا

اسلام آباد: وفاقی دارالحکومت میں بھائی نے بہن کو بلدیاتی انتخابات میں ووٹ ڈالنے کی پاداش میں قتل کردیا۔

پولیس کے مطابق یہ واقعہ اسلام آباد کے مغرب میں واقعہ ٹیکسلا میں پیش آیا۔

تفصیلات کے مطابق 20 سالہ دانش علی نے منع کرنے کے باوجود ووٹ ڈالنے پراپنی 32 سالہ بہن آصف نورین جو کہ ایک اسکول ٹیچرتھی گولی مار کرقتل کردیا۔

قتل کا مقدمہ مقتولہ کے والد کی مدعیت میں درج کیا گیا ہے جس میں انہوں نے موقف اختیار کی ہے کہ دانش نے اپنی بہن کو گولی ماری جس کے سبب وہ موقع پرہی جاں بحق ہوگئی۔

پولیس کا کہنا ہے کہ اپنی بہن کوقتل کرکے دانش فرارہوگیا جس کی تلاش میں چھاپے مارے جارہے ہیں۔

واضح رہے کہ پاکستان کے دیہی علاقوں میں عورتوں کے ووٹ ڈالنے کا تناسب انتہائی کم ہے تاہم ووٹ ڈالنے پرخواتین کو قتل کرنے کے واقعات شاذونادرہی پیش آتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top