بالی ووڈ اسٹار کیارا ایڈوانی کو اپنا گولڈ ٹوتھ برش دکھانا مہنگا پڑگیا، سوشل میڈیا صارفین نے اداکارہ کی حرکت پر تنقید کی بھرمار کردی۔
کیارا ایڈوانی نے نے انسٹاگرام پر اپنے صبح کے معمول کی ایک جھلک شیئر کی، اپنی انسٹااسٹوری پر خوبرو اداکارہ نے سنہری ٹوتھ برش کی تصویر اپ لوڈ کی، گولڈ ٹوتھ برش کے ساتھ تصویر کے بیک گراؤنڈ میں گولڈن نلکے بھی نظر آئے
کیارا تصویر میں باتھ روم میں آئینے کے سامنے کھڑی ہیں اور ان کی انگلیوں میں گولڈن برش ہے جس کے ساتھ انھوں نے آئینے میں اپنی تصویر کھینچی ہے۔
اداکار نے اپنے مداحوں کے لیے ایک اس پوسٹ کے ساتھ مضحکہ خیز پیغام بھی لکھا، جس میں لکھا تھا کہ ’مجھے بتائیں کہ آپ سندھی ہیں، مجھے یہ بتائے بغیر کہ آپ سندھی ہیں۔‘
کچھ مداحوں کو کیارا ایڈوانی کا مذاق پسند آیا تاہم کئی صارفین نے ان پر ’شو آف‘ کا الزام لگایا اور سوشل میڈیا پر انھیں بری طرح ٹرول کیا، ایک انٹرنیٹ صارف نے پوچھا، ’تو کیا اب اس برش سے اسکے منہ سے بو نہیں آتی؟
ج ایک اور شخص نے تنقید کرتے ہوئے لکھا کہ ’پھر کل کو یہ لوگ فلم کے پروموشن کے لیے بولیں گے کی انھوں نے بھی اپنے کیریئر میں جدوجہد کی ہے، ایک مداح نے کہا ’برش کرتی ہو یا شو آف کے لیے ہے۔‘
دریں اثنا چند مداحوں نے اندازہ لگایا کہ کیارا دبئی کے ایک ہوٹل میں ہیں جو اپنے مہمانوں کو سنہری رنگ کے ٹوتھ برش پیش کرتا ہے۔
