بیلجیئم کے شہر برسلز میں چاکلیٹ کا میلہ سج گیا، چاکلیٹ سے بنے ہوئے لباس اور جوتوں سمیت مختلف اشیا کو نمائش کے لیے پیش کردیا گیا۔
بیلجیئم کا چھٹا سالانہ چاکلیٹ فیئر برسلز میں شروع ہوگیا جہاں چاکلیٹ کو مختلف انداز میں پیش کیا جارہا ہے۔
مختلف ماڈلز نے چاکلیٹ سے بنے لباس پہن کر ریمپ پر واک کی، میلے میں چاکلیٹ سے بنے جوتے، ہینڈ بیگز اور زیورات بھی پیش کیے گئے۔
علاوہ ازیں چاکلیٹ سے بنے کیمرے، ٹوتھ برش اور گیم کنٹرولرز وغیرہ نے لوگوں کی توجہ اپنی جانب کھینچ لی۔
چاکلیٹ فیئر میں چاکلیٹ کو مختلف انداز میں پیش کرنے کے لیے دنیا بھر کے سینکڑوں شیفس نے محنت کی۔
چاکلیٹ کے اس رنگوں بھرے میلے کو دیکھنے کے لیے مقامی افراد اور سیاحوں کی بڑی تعداد فیئر کا رخ کر رہی ہے۔
