بھارت میں ہونے والی سرعام قتل کی واردات نے دیکھنے والوں کو بھی خوفزدہ کردیا، نوجوان لڑکے نے اپنی دوست کو چھریوں کے پے در پے وار کرکے مار ڈالا۔
بھارتی میڈیا رپورٹ کے مطابق بھارتی دارالحکومت نئی دہلی میں 20سالہ لڑکے نے اپنی 16 سالہ دوست کو چھریوں کے وار کرنے کے بعد پتھر سے سر کچل کر قتل کردیا۔
پولیس کے مطابق یہ خوفناک واقعہ نئی دہلی کے شاہ آباد ڈیری کے علاقے میں پیش آیا جہاں 20 سالہ ساحل نامی نوجوان نے کسی بات پر ناراض ہوکر 16 سالہ ساکشی پر چھری سے 45 وار کیے۔
سفاک نوجوان نے نہ صرف چھریوں کت پے سر پے وار کیے بلکہ زخم ی ہوکر زمین پر گر جانے والی لڑکی کا سر بھاری پتھر سے کچل ڈالا۔
حیرت کی بات یہ ہے کہ ملزم ساحل شدید غصے کے عالم میں جب گلی میں موجود ساکشی پر چاقو سے حملہ کر رہا تھا تو وہاں کھڑے لوگ خاموش تماشائی بنے دیکھتے رہے اور کوئی ڈر کے باعث آگے نہیں آیا۔
میڈیا رپورٹس کے مطابق ملزم لڑکی کو بری طرح زخمی کر موقع سے فرار ہو گیا، بیہوش لڑکی کو علاج کے لیے اسپتال پہنچایا گیا تاہم وہ زندگی کی بازی ہارگئی۔ دہلی پولیس کا کہنا ہے کہ بعد ازاں ملزم کو دوسرے شہر سے گرفتار کرلیا گیا ہے۔
اس حوالے سے نئی دہلی کمیشن برائے خواتین کی سربراہ نے دہلی کو خواتین و لڑکیوں کیلئے غیر محفوظ علاقہ قرار دے دیا ہے۔ سواتی ملیوال نے کہا کہ بہیمانہ قتل کا یہ واقعہ بھارت میں خواتین کے محفوظ ہونے سے متعلق سوالیہ نشان ہے۔
