اسرائیل حامی مؤقف اختیار کرنے پر ملائشیا نے فرینکفرٹ بک فیئر میں شرکت کرنے سے انکار کردیا۔ دنیا کے سب سے بڑے بُک فیئر سے اپنا نام واپس لے لیا۔
تفصیلات کے مطابق ملائیشیا نے دنیا کے سب سے بڑے بک فیئر میں شرکت سے اس وقت انکار کیا جب ادبی انجمن ’’لٹ پروم‘‘نے اعلان کیا کہ اس نے اسرائیل پر حماس کے حملوں کے بعد فلسطینی مصنفہ عدنیہ شبلی کے ناول کے لیے ایوارڈ تقریب کو ملتوی کردیا۔
بک فیئر کے منتظمین نے فیس بک پر لکھا کہ وہ اس سال کتب میلے میں یہودی اور اسرائیلی آوازوں کو خصوصی طور پر نمایاں طورپر پیش کرنے کی کوشش کریں گے۔
اس حوالے سے ملائیشیا کی وزیرتعلیم فضلینہ صدیق کا کہنا ہے کہ منتظمین کے اسرائیل نواز مؤقف کی وجہ سے وزارت تعلیم نے فرینکفرٹ بک فیئرمیں شرکت نہ کرنے کا فیصلہ کیا ہے۔
انہوں نے کہا کہ یہ فیصلہ ملائیشیا کی حکومتی پالیسی سے ہم آہنگ ہے جو فلسطین کے ساتھ یکجہتی اور مکمل حمایت کا اعلان کرتی ہے۔
