کراچی: کاٹن جنرز نے وفاقی بجٹ 26-2025 مسترد کرتے ہوئے کہا ہے کہ سفارشات کے باوجود روئی پر 18 فیصد سیلز ٹیکس ختم نہیں کیا گیا۔
چیئرمین کاٹن جنرز احسان الحق نے بجٹ 26-2025 پر ردعمل دیتے ہوئے کہا کہ درآمدی روئی پر بھی سیلز ٹیکس کی چھوٹ ختم نہیں کی گئی۔
احسان الحق نے کہا کہ 800 جننگ فیکٹریاں پہلے ہی غیر فعال ہیں اب اضافے کا خدشہ ہے۔
روئی پر سیلز ٹیکس ختم نہ ہونے سے روئی کی قیمتوں میں مندی کا رجحان ہے جبکہ روئی کی قیمتیں 500 روپے مندی کے بعد 17 ہزار روپے فی من تک گر گئیں۔
یہ بھی پڑھیں: پاکستان میں پہلی بار مئی کے دوسرے ہفتے میں نئے کاٹن جننگ سیزن کا آغاز
واضح رہے کہ پاکستان دنیا میں کپاس پیدا کرنے والا چھٹا بڑا ملک ہے جس کے پاس ایشیا میں کپاس کاتنے کی تیسری سب سے بڑی صلاحیت بھی ہے، جہاں ہزاروں جننگ اور اسپننگ یونٹس کپاس سے ٹیکسٹائل مصنوعات تیار کیے جاتے ہیں۔
پاکستان میں کپاس کے کاشتکار موسمیاتی تبدیلیوں کے اثرات کو محسوس کر رہے ہیں، کیوں کہ موسم کے غیر متوقع نمونے اور شدید گرمی بڑھتے ہوئے موسموں کو مختصر کر رہی ہے۔
اس سے کیڑوں میں بھی اضافہ ہو رہا ہے، خاص طور پر سفید مکھی اور گلابی بول ورم، جس کے نتیجے میں کسانوں کو کیڑے مار ادویات پر زیادہ انحصار کرنا پڑتا ہے۔
