اگلے مالی سال 26-2025 کا وفاقی بجٹ آج پیش کیا جائے گا اس بجٹ میں ملک کے سالانہ ترقیاتی پلان کے اہم اہداف طے کر لیے گئے ہیں۔
اگلے مالی سال 26-2025 کا وفاقی بجٹ آج شام 5 بجے وزیر خزانہ محمد اورنگزیب پیش کریں گے۔ اس بجٹ میں ملک کے سالانہ ترقیاتی پلان کے اہم اہداف طے کر لیے گئے ہیں، جس کی دستاویز اے آر وائی نیوز کو موصول ہو گئی ہیں۔
بجٹ دستاویز میں مالی سال 26-2025 کا کرنٹ اکاؤنٹ خسارہ جی ڈی پی کا منفی 0.5 فیصد رکھنےکا تخمینہ لگایا گیا ہے جبکہ آئندہ مالی سال کرنٹ اکاؤنٹ خسارہ 2.1 ارب ڈالر مختص کیا گیا ہے۔
اگلے مالی سال کے لیے برآمدات کاہدف 35 ارب 28 کروڑ ڈالر مقرر کیا گیا ہے جب کہ درآمدات کا ہدف 65 ارب 21 کروڑ ڈالر مقرر کیا گیا ہے۔
خدمات کے شعبہ میں درآمدات کا ہدف 14 ارب ڈالر جب کہ ترسیلات زر کا ہدف 39.43 ارب ڈالر مقرر کیا گیا ہے۔
آئندہ مالی سال کئے لیے اشیا اور خدمات کی برآمدات کا ہدف 44.9 ارب ڈالر جب کہ درآمدات کا تخمینہ 79.2 ارب ڈالر رکھا گیا ہے۔ تجارتی خسارہ 29.92 ارب ڈالر رہنے کی امید ہے۔
بجٹ 26-2025 : ماہانہ 1 لاکھ سے 3 لاکھ تک تنخواہ والوں کے لیے اہم خبر
