اسلام آباد : نیا موبائل فون خریدنے کے خواہشمند افراد کے لئے بڑی خبر آگئی، بجٹ کے بعد موبائل فونز سستے ہونگے یا مہنگے؟۔
تفصیلات کے مطابق اگر آپ نیا موبائل فون خریدنا چاہتے ہیں تو یہی صحیح موقع ہے، کیونکہ بجٹ کے بعد موبائل فون خریدنا مشکل ہوجائے گا۔
بجٹ میں موبائل فونز مہنگے ہونے کا امکان ہے ، ذرائع ایف بی آر نے بتایا ہے کہ وفاقی بجٹ میں درآمدی موبائل فونز پر ٹیکس بڑھانے کی تجویز سامنے آئی ہے ، فیڈرل ایکسائز ڈیوٹی عائد کرنے کی تجویز ہے۔
- Advertisement -
ذرائع کا کہنا ہے کہ درآمدی موبائل پر ایف ای ڈی کا مجموعی تخمینہ لگایا جارہاہے جبکہ درآمدی لگژری موبائل پر پی ٹی اے ٹیکس بڑھانے کی بھی تجویز پے۔
ذرائع کے مطابق درآمدی موبائل پر 25 فیصد تک جی ایس ٹی بھی عائد ہے، فنانس بل میں درآمدی موبائلز پرجی ایس ٹی مزید بڑھانے کی تجویز ہے۔
