اسلام آباد: آئندہ مالی سال کے لیے بجٹ سازی پر کام شروع کر دیا گیا۔
تفصیلات کے مطابق وزارتوں نے اپنے ذیلی اداروں سے آئندہ مالی سال کے لیے بجٹ تجاویز طلب کرنے کا کام شروع کر دیا ہے۔
وزارت تجارت نے ذیلی اداروں، ایسوسی ایشنوں اور چیمبرز سے بجٹ تجاویز مانگ لیں، وزارت نے بجٹ تجاویز 15 فروری تک فراہم کرنے کی ہدایت کی ہے۔
- Advertisement -
وزارت تجارت نے مالی سال 26-2025 کے لیے ٹیرف سے متعلق تجاویز مانگی ہیں، اور موجودہ کسٹمز ٹیرف ریٹس کا جائزہ لینے کی ہدایت کی ہے، ٹیرف میں رعایت مانگنے والے لوکل مینوفیکچررز کو متعلقہ ڈیٹا فراہم کرنے کی بھی ہدایت کی گئی ہے۔
ڈریپ، ای ڈی بی اور پاکستان بزنس کونسل سمیت آئی کیپ، اپٹما، کیمیکلز اور فارماسوٹیکل مینوفیکچررز ایسوسی ایشن سے بھی تجاویز طلب کی گئی ہیں۔
