اسلام آباد : نیشنل اکاؤنٹس کمیٹی کے اجلاس کے شیڈول میں دوسری بار تبدیلی کے بعد پیر کو طلب کر لیا گیا، کمیٹی کو رواں مالی سال کےجی ڈی پی گروتھ کا تخمینہ جاری کرنا ہے۔
تفصیلات کے مطابق ملک میں جاری سیاسی عدم استحکام سے آئی ایم ایف پروگرام مزید تاخیر کا شکار ہے ، جس کے باعث بجٹ شیڈول بھی متاثر ہو رہا ہے۔
نیشنل اکاؤنٹس کمیٹی کے اجلاس کے شیڈول میں دوسری بار تبدیلی کے بعد پیر کو طلب کر لیا گیا، کمیٹی کو رواں مالی سال کےجی ڈی پی گروتھ کا تخمینہ جاری کرنا ہے.
ذرائع نے بتایا کہ زراعت، صنعت، خدمات سمیت مختلف شعبوں کی کارکردگی کی بنیاد پر آئندہ اہداف کا تعین کیا جائے گا، بجٹ اسٹریٹجی پیپر کی کابینہ سے اگلے ہفتے منظوری متوقع ہے۔
ذرائع کا کہنا ہے کہ سالانہ پلان کوآرڈینیشن کمیٹی کا اجلاس جو تیئیس مئی کو ہونا تھا تاہم اجلاس دو جون تک ملتوی کر دیا گیا ہے۔
اے پی سی سی اجلاس میں قومی ترقیاتی بجٹ کی منظوری دی جائے گی، قومی اقتصادی کونسل کا اجلاس جون کے پہلے ہفتے میں ہوگا
حکام وزارت خزانہ نے کہا ہے کہ نئے مالی سال کا بجٹ نو جون کو پیش کرنے کی کوششیں کر رہے ہیں۔
