بوکاریسٹ: 13 برس کے انتظار کے بعد مشرقی یورپ کے ممالک بلغاریہ اور رومانیہ اتوار کو ’شینگن ایریا‘ میں شامل ہو گئے ہیں۔
بین الاقوامی خبر رساں ادارے کی رپورٹ کے مطابق بلغاریہ اور رومانیہ کے شہری اب بغیر کسی جانچ پڑتال کے آزادانہ طور پر فضائی اور سمندری سفر کر سکتے ہیں۔
آسٹریا کے ویٹو کی وجہ سے یہ نیا سٹیٹس زمینی راستوں پر لاگو نہیں ہوتا، کیونکہ آسٹریا کو پناہ کی تلاش میں آنے والوں کی ممکنہ آمد پر تشویش ہے۔
اس جزوی رکنیت کے باوجود دونوں ممالک کی فضائی اور سمندری سرحدوں پر سے کنٹرول ہٹانا اہم علامتی اہمیت کا حامل ہے۔
خارجہ امور کے تجزیہ کار سٹیفن پوپیسکو کا اس حوالے سے کہنا ہے کہ شینگن میں داخلہ بلغاریہ اور رومانیہ کے لیے ایک ’اہم سنگ میل‘ ہے۔
شمالی کوریا کا نئے سولڈ فیول ہائپر سونک میزائل کا کامیاب تجربہ
یورپی یونین کی سربراہ ارسولا وان ڈیر لیین کے مطابق شینگن ایریا کے لیے ایک تاریخی لمحہ ہے، یہ دونوں ممالک کے لیے ایک بڑی کامیابی ہے، اور دنیا میں آزادانہ نقل و حرکت کا سب سے بڑا علاقہ ہے۔
