بلغاریہ کے اسٹیشن پر ٹرین کی بوگی میں لگنے والی آگ کے باعث 4 افراد جھلس کر موقع پر ہی لقمہ اجل بن گئے جبکہ 2 زخمی ہوگئے۔
بین الاقوامی خبر رساں ادارے کی رپورٹ کے مطابق ٹرین کی بوگی میں بے گھر افراد پناہ لئے ہوئے تھے، جو افسوسناک حادثے کی زد میں آگئے۔
پراسیکیوٹر کا اس سلسلے میں کہنا تھا کہ آگ کچھ دیر میں بجھا دی گئی، جبکہ آگ لگنے کی تحقیقات شروع کردی گئی ہیں، اسٹیشن پر ٹرینوں کی آمدورفت معمول کے مطابق جاری ہے۔
اس سے قبل امریکی کی ریاست نیویارک میں انتہائی افسوسناک واقع پیش آیا، ملزم نے سب وے ٹرین میں سوئی ہوئی خاتون کو جلا کر مار ڈالا۔
رپورٹ کے مطابق مذکورہ خاتون بروکلین کے کونی آئی لینڈ اسٹیشن میں ایک سب وے ٹرین سفر کے دوران سو رہی تھی۔
ٹرین میں موجود ایک شخص نے سوئی ہوئی خاتون کے کپڑوں کو لائٹر سے آگ لگا دی، آگ نے خاتون کو پوری طرح سے لپیٹ میں لے لیا، جس کے سبب خاتون موقع پر ہی جان کی بازی ہار گئی۔
امریکا میں بجلی کا بڑا بریک ڈاؤن
رپورٹس کے مطابق نیویارک پولیس نے فوری کارروائی کرتے ہوئے ملزم کو سب وے میں سفر کرتے ہوئے گرفتار کر لیا جبکہ حملے کا سبب جاننے کے لئے تحقیقات کا آغاز کردیا گیا ہے۔
