تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بلغاریہ: خاتون صحافی زیادتی کے بعد قتل

صوفیہ: بلغاریہ میں مقامی نیوز چینل کے لیے کام کرنے والی خاتون صحافی کو زیادتی کے بعد قتل کردیا گیا۔

غیرملکی خبررساں ادارے کے مطابق بلغاریہ کے حکام 30 سالہ وکٹوریا مارینوا کے قتل کی تحقیقات کررہے ہیں، ان کی لاش دو روز قبل پیڈسٹرین برج کے قریب سے ملی تھی، یورپ میں رواں سال صحافیوں کے قتل کا یہ تیسرا واقع ہے۔

وکٹوریا کے سر بھی چوٹ کا نشان ہے، پوسٹ مارٹم سے خاتون صحافی کو زیادتی کے بعد قتل کرنے کی تصدیق ہوئی ہے جبکہ مقتولہ کا موبائل فون، کپڑے، گاڑی کی چابی تاحال غائب ہیں۔

پولیس کا کہنا ہے کہ وکٹوریہ غیرسرکاری اور چھوٹے پیمانے پر تشکیل دئیے گئے چینل کی انتظامی سربراہ تھیں اور انہوں نے حال ہی میں ایک پروگرام کھوجی شروع کیا تھاْ

پولیس کے مطابق ابتدائی تفتیش سے ایسے شواہد نہیں ملے جن کی بنا پر کہا جاسکے کہ خاتون صحافی کا زیادتی کے بعد قتل ان کے صحافی ہونے کی وجہ سے کیا گیا ہو۔

چینل انتظامیہ کا کہنا ہے کہ ٹیلی وژن چینل کے قیام سے اب تک کسی بھی ملازم کو کسی قسم کی دھمکی موصول نہیں ہوئی یہ افسوسناک سانحہ اپنی نوعیت کا واحد واقعہ ہے۔

بلغاریہ کے وزیر داخلہ نے خاتون صحافی کے قتل کو غیر معمولی ظالمانہ قرار دیتے ہوئے بتایا کہ مارینوا کو قتل کرنے سے قبل زیادتی کا نشانہ بنایا گیا ہے، ملک میں تحقیقات کرنے والے اعلیٰ تفتیشی افسران کو مذکورہ کیس کی تحقیقات کے لیے روسے بھیجا گیا ہے۔

Comments

- Advertisement -