The news is by your side.

Advertisement

جس سے ہمدردی کرو اس کے شرسے بچو

بل ڈاگ نے پناہ دینے والی خاتون کا حشر خراب کردیا

تالاہاسی: امریکی ریاست فلوریڈا کی ایک خاتون کو کتے سے ہمدردی مہنگی پڑگئی، کتے نے خاتون کو کاٹ کھایا۔

تفصیلات کے مطابق سبرینا ڈین نامی خاتون کو ایک ماہ قبل زیوس نامی کتا محلے میں آوارہ گھومتا ہوا ملا۔ جانوروں سے محبت کے سبب خاتون اسے گھر لے آئی جو ایک ناخوش گوار تجربہ ثابت ہوا۔

خاتون کےگھر میں پہلے ہی دو چھوٹے کتے ، ایک بلی اور چند پرندے موجود تھے جبکہ زیوس 90 پاؤنڈ وزن کا حامل بل ڈاگ نسل کا کتا تھا۔

جانوروں کے ڈاکٹر سے اس کا معائنہ کروانے کے لیے خاتون اسے ڈاکٹر کے پاس لے گئی تو معلوم ہوا کہ اسے مائیکرو چپ لگی ہوئی ہے۔

چپ سے پتا چلا کہ اس کا مالک پیرو منتقل ہوگیا تھا اور کتے کو اپنے دوست کو سونپ گیاتھا۔ مالک کے دوست سے رابطہ ہوا تو اس نے زیوس کے فرار سے متعلق لاعلمی کا اظہار کیا اور درخواست کی ڈین کچھ دن اسے اپنے پاس رکھ لے۔

سبرینا ڈین نامی خاتون نے بتا یا کہ کتے کا رویہ شروع میں بہت اچھا تھا ، وہ بہت پیارا تھا۔ اچانک ایک دن اس کا رویہ تبدیل ہوا اور اس نے خاتون کی بلی کو ہلاک کردیا۔

خاتون کو اس واقعے سے بےپناہ صدمہ پہنچا لیکن پھر بھی انہوں نے زیوس کو گھر میں رکھا لیکن دو دن بعد ہی صورتحال قابو سے باہر ہوگئی۔

زیوس نے ان کے چھوٹے کتے پر حملہ کیا اور جب انہوں نے اسے بچانے کی کوشش کی تو اس کتے نے خود پر مہربانی کرنے والی خاتون کو بھی نہ بخشا۔

گھرمیں لگے کیمرے کی فوٹیج سے دیکھا جاسکتا ہے کہ کتا خاتون کا بازو پکڑ کربھنبوڑ ررہا ہے اوپنجوں سے زخم مار رہا ہے۔ خاتون نے اپنے والد سے مدد طلب کی۔

خاتون کے والد نے جھاڑو سے کتے کو مارا یہاں تک کہ اس نے بازو کو چھوڑدیا۔ اس واردات کے بعد اینیمل کنٹرول آفیسر کو طلب کیا گیا ،جو کتے کو زہر کا انجکشن دینے کے لیے اپنے ہمراہ لے گئے۔

زیوس تو چلا گیا لیکن سبرینا ڈین کے جسم پر کئی گہرے زخم چھوڑگیا جن کے علاج اور اسکن گرافٹ کے لیے خاتون کو دولاکھ امریکی ڈالر ز کی ضرورت ہے، انٹرنیٹ پر ان کی مدد کے لیے ایک ’گو فنڈ می‘ نامی پیج بھی قائم کیا گیا ہے۔

خاتون کا کہنا ہے کہ اس کتے نے انہیں بے پناہ دکھ اور تکلیف لیکن پھر بھی وہ اسکے لیے ہمدردی محسوس کرتی ہیں اور جب بھی اس کی یاد آتی ہے وہ دل گرفتہ اور آب دیدہ ہوجاتی ہیں۔

Comments

comments

یہ بھی پڑھیں