ماہر ڈاکٹرز نے ایک نہایت نایاب اور پیچیدہ سرجری کے ذریعے دو ماہ بعد نوجوان کے سر سے گولی نکالنے کا کامیاب آپریشن کیا ہے۔
یہ کارنامہ بھارت کے اسپتال میں ماہر ڈاکٹرز نے انجام دیا ہے۔
حیدرآباد کے گچی باؤلی کے کیر ہاسپٹل کے ڈاکٹروں نے ایک نایاب اور نہایت پیچیدہ سرجری کے ذریعے صومالیہ کے نوجوان کی جان بچالی۔
صومالیہ کی خانہ جنگی کے دوران 26 سالہ گلیم محمد ہیرسی کو سر میں گولی لگی تھی۔ گولی پیشانی سے داخل ہو کر چھوٹے دماغ کے قریب برین اسٹیم میں جا کر اٹک گئی تھی۔
دو ماہ تک گولی دماغ میں رہنے کی وجہ سے وہ کوما میں چلا گیا تھا۔
جدید نیورو نیویگیشن اور سرجیکل مائیکروسکوپ کی مدد سے ڈاکٹروں نے گولی کے مقام کی نشاندہی کی اور بارہ گھنٹوں تک مسلسل محنت کر کے گولی کو نکالنے میں کامیابی حاصل کی۔
