The news is by your side.

Advertisement

دورہ آسٹریلیا: بھارتی ٹیم کو انجریز نے گھیر لیا، ایک اور اہم کھلاڑی آؤٹ

برسبین: دورہ آسٹریلیا پر موجود بھارتی ٹیم کے کھلاڑی انجریز سے نجات نہ پاسکے ہیں اور ایک کے بعد ایک کینگروز کے خلاف سیریز سے باہر ہونے لگیں ہیں۔

غیر ملکی میڈیا رپورٹ کے مطابق اس وقت ٹیم سے آؤٹ ہونے والے کھلاڑی جسپریت بمراہ ہیں جو انجری کے باعث آسٹریلیا کے خلاف چوتھے ٹیسٹ سے باہر ہوگئے ہیں۔

بھارتی کرکٹ بورڈ کے ذرائع کا کہنا ہے کہ جسپریت بمراہ نے سڈنی میں فیلڈنگ کے دوران پیٹ میں دباؤ کی شکایت کی تھی، ضروری ٹیسٹ کرانے پر اسٹرین کی شکایت آئی، جس کے بعد انہیں آسٹریلیا کے خلاف چوتھے ٹیسٹ سے ڈراپ کردیا گیا ہے۔بی سی سی آئی ذرائع کا کہنا ہے کہ جلد انجری سے چھٹکارہ پانے کے بعد بمراہ انگلینڈ کے خلاف سیریز میں شمولیت اختیار کرسکتے ہیں۔

کینگروز کے خلاف تیسرے ٹیسٹ میں بمراہ نے بھارت کی جانب سے بہتر بولنگ کا مظاہرہ کیا تھا، توقع کی جارہی ہے کہ جسپریت بمراہ کی جگہ محمد سراج کو بھارتی ٹیسٹ ٹیم میں شامل کیا جائے گا۔

واضح رہے کہ کینگروز کے خلاف جاری ٹیسٹ سیریز کے دوران اب تک بھارتی ٹیم کے سات اہم ارکان انجریز کے باعث ٹیم سے باہر ہوچکے ہیں، ٹیم سے باہر ہونے والوں میں محمد شامی، امیش یادیو، کے ایل راہول، رونڈر جڈیجا، ہنوماوہاڑی، مایہ ناز لیگ اسپنر روی چندن اشون اور جسپریت بمراہ شامل ہیں۔

Comments

یہ بھی پڑھیں