بونیر میں فریقین کے درمیان فائرنگ سے دو افراد جاں بحق ہوگئے۔
تفصیلات کے مطابق بونیر کے چملہ اگارئی میں 2 فریقین کے درمیان فائرنگ سے 2 افراد جاں بحق ہوگئے، پولیس کا کہنا ہے کہ جاں بحق افراد کی شناخت ہوگئی ہے۔
پولیس کے مطابق ملزمان اس واقعے کے بعد فرار ہوگئے جبکہ جاں بحق افراد کی شناخت شاہد اور نثار کے ناموں سے ہوئی ہے، فرار ملزم کے خلاف مقدمہ درج کرکے تلاش شروع کردی گئی ہے۔
دوسری جانب بلوچستان کے شہر بارکھان میں مسلح افراد نے بس روک کر فائرنگ کرکے 7 مسافروں کو قتل کردیا اور واردات کے بعد با آسانی فرار ہوگئے۔
ڈپٹی کمشنر وقار خورشید عالم کا اس حوالے سے کہنا تھا کہ مسلح افراد نے روڈ پر رکاوٹیں کھرڑی کرکے مختلف گاڑیوں کو روکا اور ایک بس سے 7 افراد کو اتار کر شناختی کارڈ دیکھنے کے بعد گولیاں مار کر قتل کردیا۔
جاں بحق ہونے والے افراد کی لاشیں مزید کارروائی کیلیے بارکھان کے رکنی اسپتال پہنچا دی گئیں جبکہ اسپتال میں ایمرجنسی نافذ کردی گئی ہے، ڈی سی بارکھان کا کہنا ہے کہ مذکورہ بس لاہور جارہی تھی، جاں بحق ہونے والے افراد کا تعلق صوبہ پنجاب سے ہے۔ لیویز اور ایف سی نے علاقے کو گھیرے میں لے لیا ہے۔
