اوگاگواگو: افریقی ملک بُرکینافاسو کے کیفےمیں دہشت گردوں کی فائرنگ سے17 افراد ہلاک جبکہ 8 افراد زخمی ہوگئے۔
غیرملکی خبر رساں ادارے کے مطابق افریقی ملک برکینافاسو میں دہشت گردوں نے کیفے پر فائرنگ کردی جس کے نتیجے میں افراد ہلاک ہوگئے۔ ہلاک ہونے والوں میں غیر ملکی بھی شامل ہیں۔
عینی شاہدین کا کہنا ہے کہ انہوں نے رات 9 بجے کے قریب فائرنگ کی آوازیں سنیں جب مسلح افراد نے اوگاگواگو میں عزیز استنبول ریسٹورنٹ پرحملہ کیا۔
حکومت کی جانب سے جاری ہونے والے بیان میں کہا گیا کہ استنبول ریسٹورنٹ پر دہشت گرد حملے نے 17 افراد کی جانیں لیں جن میں ایک ترک شہری بھی شامل ہے جواسپتال کے راستے میں دم توڑ گیا۔
یاد رہے کہ گذشتہ سال دسمبر میں بھی ملک کے شمالی حصے میں واقع ایئربیس پر ہونے والے حملے میں ایک درجن کے قریب فوجی اہلکار ہلاک ہوئے تھے۔
صومالیہ میں ریسٹورنٹ پرخودکش حملہ‘ 31افراد ہلاک
واضح رہے کہ گزشتہ ماہ صومالیہ کے دارالحکومت موغادیشو میں ریسٹورنٹ پر خودکش حملے اور فائرنگ کے نتیجے میں31 افراد ہلاک اور40 زخمی ہوگئے تھے۔
