تازہ ترین

ملک میں معاشی استحکام کیلئےاصلاحاتی ایجنڈےپرگامزن ہیں، محمد اورنگزیب

واشنگٹن: وزیرخزانہ محمد اورنگزیب کا کہنا ہے کہ ملک...

کچے کے ڈاکوؤں کو اسلحہ فراہم کرنیوالے 3 پولیس افسران سمیت 7 گرفتار

کراچی : پولیس موبائل میں جدید اسلحہ سندھ اسمگل...

پاکستان کو آئی ایم ایف سے 6 ارب ڈالر قرض پروگرام کی توقع

وفاقی وزیر خزانہ محمد اورنگزیب نے کہا ہے کہ...

’’پہلے اپنی بیویوں کی انڈین ساڑھیوں کو آگ لگاؤ‘‘، بنگلہ دیشی وزیراعظم کا اپوزیشن کو مشورہ

بنگلہ دیش کی وزیراعظم شیخ حسینہ واجد نے اپوزیشن لیڈر کی جانب سے بھارتی مصنوعات بائیکاٹ مطالبے پر جواب دیا ہے کہ پہلے اپنی بیویوں کی انڈین ساڑھیوں کو آگ لگاؤ۔

غیر ملکی میڈیا کے مطابق بنگلہ دیش کی وزیر اعظم شیخ حسینہ واجد نے کہا ہے کہ حزب اختلاف کے جو رہنما انڈین مصنوعات کے بائیکاٹ کا مطالبہ کر رہے ہیںم انہیں یہ بتانا ہو گا کہ ان کی بیویوں کے پاس کتنی انڈین ساڑھیاں ہیں اور وہ انہیں آگ کیوں نہیں لگا رہے ہیں۔

حکمراں عوامی لیگ کے ایک اجلاس سے خطاب کرتے ہوئے وزیراعظم حسینہ واجد نے بنگلہ دیش نیشنلسٹ پارٹی کے ان رہنماؤں کو مخاطب کیا جو بھارتی مصنوعات کے بائیکاٹ کا مطالبہ کر رہے ہیں اور کہا کہ میرا سوال یہ ہے کہ ان کی بیویوں کے پاس کتنی انڈین ساڑھیاں ہیں؟ اور وہ اپنی بیویوں سے ساڑھیاں لے کر انہیں پہلے آگ کیوں نہیں لگا رہے۔

حسینہ واجد نے الزام عائد کیا کہ جب بی این پی اقتدار میں تھی تو اس کے وزرا اور ان کی بیویاں انڈیا کے دوروں پر ساڑھیاں خرید کر بنگلہ دیش میں فروخت کرتی تھیں۔

بنگلہ وزیراعظم نے یہ بھی کہا کہ اب جب یہ بھارتی مصنوعات کے بائیکاٹ کا مطالبہ کر رہے ہیں تو گرم مسالہ، پیاز، لہسن، ادرک اور وہ تمام مسالے جو انڈیا سے آتے ہیں ان کے گھروں میں نظر نہیں آنے چاہییں۔‘

واضح رہے کہ بنگلہ دیش میں ’انڈیا آؤٹ‘ مہم چل رہی ہے جسے کچھ سماجی کارکنوں نے شروع کیا اور پھر حزب اختلاف کے سیاست دانوں کے ایک حصے نے اس کی حمایت کی۔

مہم میں شامل افراد کا دعویٰ ہے کہ انڈیا اقتدار میں رہنے کے لیے شیخ حسینہ کی پشت پناہی کر رہا ہے کیونکہ یہ اس کے مفادات کے مطابق ہے۔

Comments

- Advertisement -