بھارت کے شہر حیدر آباد میں برقعہ پوش ڈاکوؤں کی جانب سے دن دہاڑے سونے کی دکان لوٹنے کی سی سی ٹی وی فوٹیج سوشل میڈیا پر وائرل ہوگئی۔
میڈیا رپورٹس کے مطابق چوری کی واردات کا واقعہ جگدمبا میں واقع سونے کی دکان میں پیش آیا جہاں دو ملزمان برقعہ پہنچ کر عوام گاہکوں کی طرح دکان میں داخل ہوئے۔
دو ملزمان میں سے ایک نے کچھ دیر زیورات دیکھنے کے بعد چاقو نکالا اور دکاندان کو ڈرانے دھمکانے کی کوشش کی۔ ایک موقع پر ملزم نے چاقو سے حملہ کر کے دکان کے مالک کو زخمی کیا۔
- Advertisement -
زخمی دکاندار اور ایک ملازم جان بچا کر موقع سے بھاگے جبکہ ڈاکو بھی لوٹ مار کے بعد بآسانی فرار ہوگئے۔
پولیس نے چوری کی واردات کا مقدمہ درج کر کے ملزمان کی تلاش شروع کر دی۔ اس سلسلے میں دکان کے اندر اور اطراف میں لگے سی سی ٹی وی کی فوٹیجز کا جائزہ لیا جا رہا ہے۔
