چکوال: کلرکہار موٹر وے پر بھٹی گجر کے قریب بس اور ٹریلر کے تصادم میں 2 افراد جاں بحق ہوگئے، جبکہ 3 خواتین سمیت 10 افراد زخمی ہوگئے۔
اے آر وائی نیوز کے مطابق موٹر وے پولیس کا کہنا ہے کہ حادثے میں جاں بحق ہونے والوں کی لاشوں اور زخمیوں کو ٹراما سینٹر اسپتال منتقل کردیا گیا ہے۔
اس سے قبل کراچی میں ڈی اے پل پر ٹریلر اور کار کے خوفناک تصادم میں ایک خاتون جاں بحق اور چارافراد زخمی ہوگئے۔
تفصیلات کے مطابق کراچی کے علاقہ نارتھ ناظم آباد کے ڈی اے پل پر ٹریفک حادثہ پیش آیا، جہاں ٹریلر اور کار کے درمیان خوفناک تصادم ہوا۔
حادثے کے نتیجے میں کار سوار خاتون جاں بحق اور تین خواتین سمیت چار افراد زخمی ہوگئے۔
کراچی میں جمعے کو ریڈ لائن بسز چلیں گی یا نہیں؟ اعلان ہوگیا
پولیس نے بتایا کہ تیز رفتار کار بے قابو ہو کر ٹریلر سے جا ٹکرائی،زخمیوں کی شناخت لیڈی کانسٹیبل فاطمہ، ہیڈ کانسٹیبل سراج، اقصیٰ، طوبیٰ کے نام سے ہوئی۔ حادثے کے زخمیوں میں لیڈی کانسٹیبل اور پولیس اہلکار بھی شامل ہے۔
