سینئر اداکارہ بشریٰ انصاری نے یوٹیوبر ڈکی بھائی کے بیان پر خاموشی توڑ دی۔
فوٹو اور ویڈیو شیئرنگ ایپ انسٹاگرام پر اداکارہ بشریٰ انصاری نے ویڈیو شدیئر کی جس میں وہ خاموش بیٹھی ہوئی مسکرا رہی ہیں اور کیمرے کی طرف دیکھ رہی ہیں۔
ویڈیو میں بشریٰ انصاری جگجیت سنگھ کا گانا ’خاموشی خود اپنا صدا ہو‘ سن رہی ہیں۔
اداکارہ نے ویڈیو شیئر کرتے ہوئے کیپشن مین لکھا کہ ’خاموشی بہترین عمل ہے۔‘ سوشل میڈیا صارفین ان کے دلچسپ ردعمل کو سراہا رہے ہیں۔
یاد رہے کہ بشریٰ انصاری کچھ عرصے پہلے یوٹیوبرز اور ٹِک ٹاکرز کے بارے میں دیے اپنے بیان کی وجہ سے سوشل میڈیا پر خصوصی توجہ کا مرکز بنی رہیں۔
انہوں نے اپنے بیان میں کہا تھا کہ مجھے یہ ٹک ٹاکرز اور یوٹیوبرز کی بالکل سمجھ نہیں آتی اور میں ان لوگوں پر حیران ہوتی ہوں جو ان کا بنایا ہوا عجیب و غریب کانٹینٹ دیکھتے ہیں۔
بعد ازاں ڈکی بھائی نے بشریٰ انصاری کے اس بیان پر ایک پوڈکاسٹ میں انٹرویو کے دوران اپنے ردعمل میں کہا تھا کہ میں بشریٰ انصاری کو نہیں جانتا، مجھے ان کے بس چہرے سے معلوم ہے کہ یہ اداکارہ ہیں۔
اُنہوں نے کہا تھا کہ ٹی وی انڈسٹری کے اداکار اور اداکارائیں احساسِ کمتری کا شکار ہیں، یہ ڈیڈ لوگ ہیں، یہ ڈائریکٹرز کی انگلیوں پر ناچتے ہیں، ان کی اپنی کوئی محنت نہیں ہوتی، کردار حاصل کرنے کے لیے یہ بہت پاپڑ بیلتے ہیں۔
یوٹیوبر نے مزید کہا تھا کہ مجھے سمجھ نہیں آتی کہ ٹی وی فنکاروں کے ڈرامے دیکھنے والے کون ہیں؟ ٹی وی کا دور ختم ہو چکا ہے۔
