The news is by your side.

Advertisement

اداکارہ بشریٰ انصاری کی بہن بھی کورونا وائرس کا شکار

کراچی : پاکستان شوبز کی معروف اداکارہ بشریٰ انصاری کی ہمشیرہ اداکارہ سنبل شاہد بھی کورونا وائرس کا شکار ہوگئیں، انہوں نے اپنی بہن کی صحتیابی کیلئے مداحوں سے دعاؤں کی اپیل کی ہے۔

مختصر ویڈیو اور تصاویر کی ایپ انسٹا گرام پر بشریٰ انصاری نے بہن سنبل شاہد کے کورونا وائرس سے متاثر ہونے کی خبر ان کی تصویر کے ساتھ جاری کی۔

اپنی پوسٹ میں ان کا کہنا تھا کہ میری پیاری بہن سنبل شاہد ان دنوں کورونا وائرس کے خلاف جنگ لڑرہی ہیں۔ انہوں نے مداحوں سے اپیل کی کہ وہ ان کی بہن کی جلد صحت یابی کے لیے دعا کریں۔

اداکارہ بشریٰ انصاری نے اپنی پوسٹ کے کیپشن میں مزید لکھا کہ چار چاند سلامت رہیں آمین۔

یاد رہے کہ اداکارہ بشریٰ انصاری کی تین بہنیں ہیں جن کے نام اسماء عباس، سنبل شاہد اور نیلم بشیر ہیں اور وہ بھی شوبز سے وابستہ ہیں۔

اس سے قبل ٹی وی اور فلموں کی متعدد شخصیات بھی کورونا وائرس سے متاثر ہوچکی ہیں جن میں گلوکار جواد احمد، ماڈل و اداکارہ آمنہ الیاس، اداکار علی رحمٰن، علی عباس، اداکارہ ماہرہ خان اور لیجنڈ ادیب انور مقصود شامل ہیں۔

اس کے علاوہ اداکار بہروز سبزواری، اداکارہ نیلم منیر، ٹی وی میزبان و رکن قومی اسمبلی عامر لیاقت اور ان کی اہلیہ میزبان و اداکارہ طوبیٰ عامر، اداکارہ سکینہ سموں، ندا یاسر، یاسر نواز، روبینہ اشرف، گلوکار ابرار الحق، بلال مقصود کامیڈین و میزبان شفاعت علی, واسع چوہدری اور نوید رضا بھی وائرس سے متاثر ہوچکے ہیں۔

Comments

یہ بھی پڑھیں